fbpx
螢幕快照 2018-06-14 下午5.56.56

螢幕快照 2018-06-14 下午5.56.56【街訪】世界盃問答大賽 「港女」識幾多?

世界盃今日開鑼啦!坊間有話:「男人一生只想尋找一個陪你睇波的女人」,所以小編特意落區,訪問一下香港女仔對足球的認知。

經過一輪街訪,小編得出來的結果係…

原來大部分女仔對足球認識唔深,大多都唔知今屆的主辦國係俄羅斯啊!其中一位仲掩面笑住答東京,難怪旁邊白衫男友頓時反駁:「嗰個(東京)係奧運啊!」

不過,並非全部女仔都唔識睇波嘅!片中,戴Cap帽嗰位女仔幾乎答啱晒所有問題,又知道世界盃係六月中開始,甚至小編未問哂條問題,已經秒速答中足球術語「插水」,認真犀利!

資深足球教練黃民忠表示,大部分女朋友因為唔識球賽規則,導致情侶之間容易產生誤會。黃教練建議,女朋友可以喺球賽完結後,向男朋友不恥下問,但就避免喺比賽進行的時候發問。他指,「男朋友解釋得清楚,又解釋得好好的時候,不妨俾個叻佢,咁男朋友就會好開心」,有利促進情侶關係。

如果你都好似片中嘅受訪者一樣,剩係識古天樂,唔識巴西球員古天奴?又唔知「越位」的定義?唔使擔心!小編近日揾到一個速成班,專門教授女士球賽基本知識,仲會講解下同男士睇波有乜do’s and don’ts;最重要係,費用全免㗎!覺得足球好難捉摸的女士,就要快點報名惡補啦!

詳情:
「標準女球迷」速成班(女士專場)
日期:2018年6月18日 (星期一端午節假期)
時間:1:00pm - 3:30pm
地點:觀塘鴻圖道80號地下Office 3
報名、查詢電話:9540 8200


SIGN INTO YOUR ACCOUNT

 
×
FORGOT YOUR DETAILS?
×

Go up