fbpx
螢幕快照 2018-06-07 下午3.16.42

還有一星期左右,2018俄羅斯世界盃就正式開波!雖然坊間「標準女球迷」不少,但男球迷始終佔大多數,在賽事舉行的這一個月,不少女士都會抱怨另一半因為睇波而冷落了她,令世界盃恍惚成為情侶間感情受到挑戰的高危時刻。

曾撰寫足球專欄的「大埔Lulu」董嘉儀,日前就在個人fb專頁上載街訪,問一問男球迷覺得世界盃還是另一半比較重要,結果不少人選擇世界盃,有人更說會迫女朋友一齊睇波,也有人留言表示「當然要世界杯啦!四年一次,只係一個月,仲要唔係幾十場全部睇晒,如果女朋友咁都唔體諒,OK!Bye」。

另有留言指「兩樣都重要」、「一定是女友,因為世界盃僅一個月,但女友可以愛很久」。

事實上,每遇足球盛事,圍繞女朋友、睇波的話題都會備受熱議。

4年前巴西世界盃期間,一段題為《一生只想尋找一個陪你睇波的女人》的短片在網上熱傳,吸引逾10萬點擊。片中講述不少男球迷想找個陪自己睇波的女友,惟男主角的前女友卻掌握電視遙控大權,只看自己喜歡的劇集;即使陪男友睇波,亦會發問「低智」問題,當男主角嘗試解釋球賽規則,女友卻只專注在靚仔球星身上,令男主角無奈。

「係咪睇波仲緊要過我呀?」這句對白或者是不少女朋友的心聲,故事的結局,男主角終於尋找到一齊睇波的女人,「無論場波結果如何,能夠陪住對方一齊睇波就已經滿足」,這句對白又會否是你的心聲?

《一生只想尋找一個陪你睇波的女人》

最近網上經常出現「女朋友睇波手冊」、「男女足球攻防戰」之類的文章,大部分都是由「越位」開始,讓女朋友忽然變成「識波」之人,與另一半分享睇波樂趣。

免費「標準女球迷」速成班 投其所好

另外,更有配對公司請來資深足球教練與配對顧問,為女士們舉行免費「標準女球迷」速成班(https://www.matchingloves.com/),希望用最短時間讓女士們掌握足球基本知識與投其所好之道。

資深足球教練黃民忠介紹,速成班內容集中在態度方面,從女士角度出發,拆解在完全不認識足球的情況下,陪男伴睇波時有何do’s and don’ts。「既不能令男伴以為在應酬,也要保持女士的尊嚴與矜持,如適當時支持男伴喜歡的球隊,也不應說出一些挑動男伴情緒的說話。」

「幸‧匯」首席配對顧問麥耀邦則認為,一齊睇波會造就良緣,「有女會員喜歡睇波,約會機會大增,約會時更能以睇波為話題,甫見面已相約翌日甚至即晚一齊去睇波,感情快速發展起來,迅即成為情侶。」

觸動輔導中心性治療及家庭治療總監程翠雲建議,男生與女生看球賽時,偶爾可擁抱、稱讚伴侶,令她覺得被重視;女朋友也可上網或看書了解球賽基本知識,雙方學習互相遷就及體諒,避免因一時興致而忽略伴侶感受。


SIGN INTO YOUR ACCOUNT

 
×
FORGOT YOUR DETAILS?
×

Go up